कृष्ण

कृष्ण....

लहानपणा पासून भेटत राहिला,तो कृष्ण अनोखा होता,

हरेक टप्प्यावर स्वच्छ नवी,अनुभूती निराळी देत गेला.

खोड्यांनी यशोदेला छळणारा, गोप गळ्यात ताईत होता,

गोकुळावर छत्र मायेचे धरणारा, गोवर्धन गिरीधारी झाला.

मथुरेला गेलेला कृष्ण,कंस उच्छेदक बनला,

राज्यकारण धुरंधर सावधानी,प्रसंग ओळखून होता.

रण सोडून पळाला ,द्वारकेचा राणा झाला,

समयोचित नीती ठरवणारा,दुष्ट परिहारक झाला.

ज्ञान धर्म संस्कृती जाणून,थोर उपदेशक झाला,

हृदयी कोमलता बाळगून,रणी कर्तव्य कठोर उरला.

गोकुळी रास रचैता,रणी संहारक संरक्षक बनला,

सहज वावरला तो,रंग अनोखे दर्शवून गेला.

पुत्र,पति, मित्रत्वाच्या, व्याख्या लिहीत गेला,

प्रेमाची संहिता नवी,राधेसंगे रचून गेला.

जय श्रीकृष्ण.

सदानंद चावरे

१८-८-२०२२