Govind Radha

मनमोहक नंदकिशोर

राधा भयी भावविभोर

गूॅंज उठे बांसुरीसुर

सिर विराजे पंखमयुर

मगन समाधी सुरस्वर

राधा गोविंद बोले नारीनर||

डॉ.सदानंद चावरे 

२९-१-२०२४

प्रभु राम

प्रभु रामाचे झाले मंदिर

पावन पवित्र अवसर

भरेल आता नित्य दरबार

भक्तांचा वाढता वावर.

मनीं भाव परम पवित्र

स्वप्न हिंदू मनांचे पूर्ण

शतकांचे निमाले शल्य 

तेजाने भरले गर्भगृह.

उत्कट उत्साही मन्मन 

राष्ट्र अवघे जनमन

आशीर्वादे उद्धरावे

प्रार्थना त्या रघुवरास.

सुरू व्हावा नवा प्रवास

ओज तेज सहिष्णू धैर्य

सहस्र वर्षांची शहाणीव

यावी निज तेजे उजळून.

डॉ सदानंद चावरे पुणे.

२२-१-२०२४

पतित पावन रामा

||श्रीराम समर्थ||

पतितपावन रामा,मेघश्यामा दयाळा|

जानकी वल्लभ रामा,कृपा करा||१||

चापबाणधर रामा,दशरथनंदना रामा|

लक्ष्मण बंधु रामा,कृपा करा||२||

श्यामलवर्णी रामा,भक्तवत्सला रामा |

कौसल्या नंदना रामा,कृपा करा ||३||

विश्वपालक रामा,दासरक्षका रामा|

हनुमंत नायका रामा,कृपा करा||४||

आशीर्वचक रामा, त्रिभुवन तारक रामा|

दुरित परिहारका रामा,कृपा करा||५||

फोटो:-जोशी श्रीराम मंदिर, शनिवार पेठ पुणे.

रचना:-सदानंद चावरे पुणे.

८-१-२०२४

||जय जय रघुवीर समर्थ ||