क्षण..

क्षण...

घटिका पळे काळ चालताहे,सवे आपुल्या सदा नित्य धावे.

करावे कसे सार्थक या क्षणांचे,मनी मानसी प्रश्न ऊठताहे.

सुकृत कोणते कसे आकळावे,कुणास ठावे कुणा अनुसरावे.

सत्कर्म कार्या कसे उचलावे,अखंडित सत्कार्य कैसे करावे.

रंजन स्वजनांचे करीत जावे,निज व्यवसाय जपत असावे.

कण ज्ञानाचे मेळवीत जावे,सार्थक यांसी कैसे म्हणावे.

गप्पा टप्पा गणगोत जमवावे,हास्य विनोद फुलवीत जावे.

गेल्या क्षणांना कसे जुळवावे,अखंड समाधान कोठे मिळावे.

स्वर जीवनाचे कैसे जुळावे,समाधान चित्ती कसे उतरावे.

जग पाहता पाहता वीसरावे,अंतरी जरा मनहे स्थिरावे.

हरी कीर्तनी क्षणे ज्या खपावे,सद्गतीस त्याने जीवास न्यावे.

क्षणानेही जिथे विरून जावे,महद्भाग्य ऐसे समस्तां मिळावे.

जय जय रघुवीर समर्थ.

सदानंद चावरे पुणे

२५-६-२०२२